«Сурхон» давлат қўриқхонасида ёнғин содир бўлди. Бу ҳақда Сурхондарё вилоят ҳокимлиги матбуот хизмати хабар берди.
Вилоят фавқулотда вазиятлар бошқармасидан маълум қилинишича, ёнғин оқибатида қуриган хашак ва дов-дарахтлар ёнган.
Юз берган ёнғин тегишли воситалар ёрдамида бартараф этилган. Айни пайтда ёнғиннинг келиб чиқиш сабаблари, талафот кўрган майдон ва етказилган зарар миқдори аниқланмоқда.Тан жароҳати олганлар йўқ.