Сурияга қарши санкцияларни юмшатишда давом этиш таклиф қилинди

Европа Иттифоқи ташқи ишлар вазири Кая Каллас Сурияга қарши санкцияларни юмшатишни давом эттиришни таклиф қилди.

Бу ҳақда Reuters агентлиги хабар бермоқда.

"Европа Иттифоқининг ташқи сиёсат бўйича раҳбари Кая Каллас Сурия вазирликларини реконструкция ва миграция каби соҳаларда молиялаштиришга рухсат бериш учун Европанинг Сурияга қарши санкцияларини янада юмшатишни таклиф қилди", деб ёзади агентлик.

Узоқ йиллар собиқ президент Башар ал-Ассад ҳукуматини бойкот қилган Европа Иттифоқи Суриянинг янги расмийлари билан фаол мулоқот олиб бормоқда. Февраль ойи охирида Европа Иттифоқи Сурияга нисбатан санкцияларни олиб ташлашни, энергетика, транспорт ва банк секторидаги қатор чекловларни бекор қилишни бошлади. Иттифоқ давлатларидан Сурияга шахсий фойдаланиш учун ҳашаматли буюмларни олиб киришга қўйилган тақиқ ҳам бекор қилинди.