Бу ҳақда Болалар омбудсман Мария Лвова-Белова маълум қилди. Етти ўғил ва ўн уч қиз Россия Аэрокосмик кучлари бортида 6 июлдан 7 июлга ўтар кечаси Чкаловский аэродромига етиб келди.
"Уларнинг орасида ака-ука ва опа-сингиллар ҳам бор. Болалар ўзларининг яқинлари - бобоси, бувиси ва қариндошлари билан учрашишни кутмоқда", деди Лвова-Белова журналистларга.
Самолётдаёқ болалар махсус шифокорлар томонидан текширилди. Бир боланинг оёғидаги ракета бўлакларидан қолган жароҳат аниқланди. Қолган болаларнинг саломатлиги яхши, деди Болалар омбудсмани раҳбари.