Сунъий интелект Буюк Британия компанияларида ишсиз сонини кўпайтириб юбориши тахмин қилинмоқда

Сунъий интеллектнинг таъсири Буюк Британиянинг ҳар тўртта йирик компаниясида ишдан бўшатилишига олиб келади.

Бу ҳақда Financial Times (FT) британиялик иш берувчилар ўртасида ўтказилган сўровга таяниб хабар берди.

Сўров натижаларига кўра, йирик компанияларнинг тўртдан бир қисмидан кўпроғи СИ таъсири туфайли 2026 йилга келиб ходимлар сони қисқаришини кутмоқда. Кичик лавозимлар энг кўп хавф остида.

Буюк Британиянинг Ходимлар ва Ривожланиш Институти (CIPD) маълумотларига кўра, йирик хусусий сектор компанияларининг 26 фоизи ва давлат секторидаги ташкилотларнинг 20 фоизи ўз фаолиятини соддалаштириш учун кейинги 12 ой ичида ишдан бўшатишга тайёрланмоқда.

CIPD тадқиқоти шуни кўрсатдики, бу ўзгаришлар молиявий хизматлар секторига таъсир қилади, бу ерда иш берувчиларнинг 37 фоизи СИ туфайли иш жойларини йўқотишларини кутмоқда. IT-саноати кейинги ўринда, 26% ишчи кучини қисқартиришга тайёрланмоқда. Ҳуқуқий, бухгалтерия ва консалтинг соҳалари 24% ни ташкил қилади.