НАТО Украинага кўп йиллик ҳарбий ёрдам дастурини ва Украина-НАТО кенгашини тузишни маъқуллади.
Бу ҳақда НАТО бош котиби Йенс Столтенберг НАТОнинг Вильнюсдаги саммитининг биринчи куни якунлари бўйича ўтказилган матбуот анжуманида маълум қилди.
Унинг қайд этишича, иттифоқчилар Украинани алянсга яқинлаштириш учун элементлар тўплами бўйича келишиб олган.
Столтенбергнинг сўзларига кўра, биринчи элемент Украина мудофаа ва хавфсизлик секторини қайта тиклашга кўмаклашувчи кўп йиллик дастур бўлса, иккинчиси янги Украина-НАТО кенгашини ташкил этишдир.
Унинг қўшимча қилишича, Украина алянснинг барча аъзоларининг бир овоздан қабул қилган қарори билан ва барча шартлар бажарилса, НАТОга таклиф қилинади.
