Кинематография агентлиги ва Республика Маънавият ва маърифат маркази «Маърифат» тарғиботчилари жамияти ҳамкорлигида 4 апрель куни «Бир бўлсак — ягона халқмиз, бирлашсак — Ватанмиз!» шиори остида Сирдарё вилоятида «Кинокарвон» тадбирлари ўтказила бошланди.
«Кинокарвон» тадбирларининг биринчи кунида Сирдарё вилоятининг Гулистон, Ширин, Боёвут ва Ховос туманларида таниқли киноижодкорлар сирдарёликлар билан ижодий учрашувлар ўтказмоқда. Бундан ташқари кейинги икки кунда вилоятнинг Мирзаобод, Оқолтин, Сардоба, Сирдарё ва Сайхунобод туманларида ҳам тадбирлар бўлиб ўтади.
Тадбирлар давомида Меҳриддин Раҳматов, Умид Искандаров, Али Ниязимбетов, Дилшодбек Каттабеков, Баҳодир Нишонов, Азизбек Қобилов ва бошқа киноижодкорлар иштирокида ижодий учрашувлар ташкил этилмоқда.
Маълумот учун, Сирдарё вилоятидаги «Кинокарвон» тадбирлари 6 апрелга қадар давом этади.
