Интернет тармоқларида пахта йиғим-терими мавсуми бошланиши муносабати билан банк ходимлари, хусусан, Сирдарё вилоятининг Оқолтин туманидаги “Халқ банки”, “Ҳамкорбанк” ва “Савдогарбанк” бўлимлари ходимлари пахта теримига жалб қилинганлиги, пахта даласига чиқишни истамаганларга эса ўз ўрнига одам ёллаш буюрилганлиги тўғрисидаги хабарлар эълон қилинди.
Юқоридаги хабарларга мувофиқ, Бандлик ва меҳнат муносабатлари вазирлигининг Давлат меҳнат инспекцияси томонидан Сирдарё вилоятидаги юқорида қайд этилган банкларда ўрганиш ўтказилди.
Натижада, “Савдогарбанк” акциядорлик тижорат банкининг Сирдарё вилоятида филиал мавжуд эмаслиги, Сирдарё вилояти Оқолтин туманидаги “Халқ банки” ва “Ҳамкорбанк” АТБларнинг бўлимларида банк ходимлари ҳеч қандай пахта йиғим-теримига жалб қилинмаганлиги, ходимлар томонидан ўз ўрнига одам ёллаш буюрилмаганлиги маълум бўлди.
Ҳолат юзасидан Сирдарё вилояти “Халқ банки” ва “Ҳамкорбанк” АТБлар бўлимлари банк ходимларининг ҳар биридан ёзма тушунтиришлар олинди ҳамда интернет тармоғида эълон қилинган хабарлар ўз тасдиғини топмади
Алишер Қодиров Россия Давлат думаси спикерига жавоб қайтарди
Самарқандда уйи қулаган фуқаро қўшнисидан 300 минг доллар талаб қилди
Россиядан Бухорога Макаров ва ТТ пистолетлари ноқонуний олиб кирилгани маълум бўлди
