Сиднейда акулалар икки болага ҳужум қилди

Австралиянинг Янги Жанубий Уэлс штатида, Сидней шаҳрида акулалар 11 ва 12 ёшли икки болага ҳужум қилди.

ABC News хабарига кўра, 12 ёшли бола ҳужум оқибатида икки оёғидан ҳам оғир жароҳат олиб, реанимация бўлимига ётқизилган. Шу куни Сидней шимолидаги Dee Why соҳилида акула 11 ёшли боланинг серфинг тахтасини тишлаб олган, бола жароҳат олмаган.

Ҳодисадан сўнг ҳудудда хавфсизлик чоралари кучайтирилди, акулаларни аниқлаш учун дронлар ёрдамида қидирув ишлари бошланди.