Sidneyda akulalar ikki bolaga hujum qildi

Avstraliyaning Yangi Janubiy Uels shtatida, Sidney shahrida akulalar 11 va 12 yoshli ikki bolaga hujum qildi.

ABC News xabariga ko‘ra, 12 yoshli bola hujum oqibatida ikki oyog‘idan ham og‘ir jarohat olib, reanimasiya bo‘limiga yotqizilgan. Shu kuni Sidney shimolidagi Dee Why sohilida akula 11 yoshli bolaning serfing taxtasini tishlab olgan, bola jarohat olmagan.

Hodisadan so‘ng hududda xavfsizlik choralari kuchaytirildi, akulalarni aniqlash uchun dronlar yordamida qidiruv ishlari boshlandi.