Шол бўлиб қолган аёл фазони забт этди

Аэрокосмик техника ва мехатроника муҳандиси, 33 ёшли Микаэла Бентҳаус (Германия) Blue Origin компаниясининг New Shepard кемасида фазога парвоз қилди.

Бентҳаус етти йил аввал тоғ велосипедида бахтсиз ҳодисага учраб, шол бўлиб қолган.

2024 йилда Бентҳаусга SpaceX собиқ раҳбари Ҳанс Кёнигсманн фазога учишни таклиф қилади. Парвозга ҳомийликни ўз бўйнига олган тадбиркор Бентҳаус ва яна тўрт йўловчи билан бирга фазога парвоз қилди.

Ногиронлар аравачасини тарк этган муҳандис аёл 105 километр баландликдан Ерни вазнсизлик ҳолатида томоша қилди. «Бутун саёҳат давомида ўзимни кулишдан тўхтатолмадим, вазнсизликда ағдарилишга ҳаракат қилдим — бу мен учун энг зўр тажриба бўлди!», — деди Бентҳаус Ерга қайтгандан сўнг.