Шимолий Ирландиянинг бир қатор шаҳарларида муҳожирларга қарши оммавий тартибсизликлар юз берди. Намойишлар Белфаст шаҳрида суданлик эркакнинг бир кишига пичоқ билан ҳужум қилгани ҳақидаги хабарлар ортидан бошланган.
Ҳодиса акс этган видеолар ижтимоий тармоқларда кенг тарқалгач, юзлаб намойишчилар кўчаларга чиққан. Кўпчилиги ниқоб таққан иштирокчилар полицияга ҳужум қилган, автомобилларга ўт қўйган ва кўчаларда тартибсизликлар келтириб чиқарган.
Энг оғир вазият Белфаст шаҳрида кузатилди. Шаҳарнинг бир нечта ҳудудларида автомобиллар ва турар жой биноларига ўт қўйилган. Ёнган уйлар орасида қора танли оилалар яшаган хонадонлар ҳам бўлган. Шунингдек, украиналик қочқинлар яшаган бир оила ҳам хавфсизлик нуқтаи назаридан эвакуация қилинган.
Гувоҳларнинг сўзларига кўра, тартибсизлик иштирокчилари “Чет элликлар чиқиб кетсин!” деган шиорлар билан юриш қилган, айрим ҳолларда уйларнинг эшикларини тепиб очишга уринган ва деразаларни синдирган.
Жон Барроуз воқеаларни изоҳлар экан, тартибсизликларда асосан юзини беркитган ўсмирлар қатнашганини айтди. Унинг таъкидлашича, улар муҳожирлар яшайдиган уйларни қидириб, бинолар ва транспорт воситаларига зарар етказган.
Маҳаллий сиёсатчи Клер Ханна эса юз бераётган воқеаларни “ирқий погром” деб атади. Унинг фикрича, айрим гуруҳлар одамларнинг ташқи кўриниши ва келиб чиқишига қараб нишонга олмоқда.
Тартибсизликлар оқибатида бир қатор оилалар уйларини тарк этишга мажбур бўлган. Айрим аҳоли ва муҳожирлар эса хавфсизлик нуқтаи назаридан бошқа жойларга кўчиб кетган. Маҳаллий полиция вазиятни назорат қилиш учун қўшимча кучларни жалб этган.
Миллион россиялик мамлакатни тарк этди
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
Андижонда ИИБ ходими вояга етмаган шахснинг номусига текканлиги айтилмоқда. Гумонланувчи 2004 йилги Олимпиада бронза медали соҳиби(?)
