ШҲТда таҳдидларга қарши кураш маркази ташкил этилади.
Бу ҳақда Россия ташқи ишлар вазири Сергей Лавров ШҲТ ташқи ишлар вазирларининг Остонадаги йиғилишида маълум қилди, деб ёзади SputnikKZ.
Марказ ахборот хавфсизлиги ва уюшган жиноятчиликка қарши кураш билан шуғулланади. Бундан ташқари, Душанбеда гиёҳвандликка қарши кураш маркази пайдо бўлади.
Ушбу қарорлар 3-4 июль кунлари Остона шаҳрида бўлиб ўтадиган ШҲТ саммитида расман қабул қилинади.
Евроосиё давлатларининг хавфсизлигини фақат қитъа давлатларининг ўзлари таъминлаши мумкин, АҚШ, Европа Иттифоқи ва НАТО каби ташқи кучларнинг аралашувисиз, деди Россия Ташқи ишлар вазири.