Тошкент шаҳрининг Сергели туманида яшовчи аёл ўзининг 2018 йилда туғилган, 7 ёшли қиз фарзандини пичоқлаб ўлдирди.
Манбаларга кўра, қизча шу ўқув йилида мактабнинг 1-синфига қабул қилинган ва эндигина 1 ҳафта бўлган эди.
Маълум бўлишича, мазкур аёлда аввалдан руҳий ҳолатнинг бузилиши ва асабийлик ҳолати учраб турган. Маҳалла фуқаролар йиғинидаги вакилининг айтишича, аёл жорий йилнинг 2 август санасида руҳий асаб касалликлари шифохонасидан даволаниб чиққан ва ўша куннинг ўзидаёқ диспансернинг назорати остига олинган.
Воқеа содир бўлган куни марҳум қизалоқнинг онаси ўзининг ғалати ва ноодатий хатти-ҳаракатлари билан шубҳа уйғотган ва шу ҳаракатларнинг таъсирида фарзандини пичоқлаб қўйган. Қизалоқ эса, олган тан жароҳатлари туфайли воқеа жойида вафот этган.
Ҳозирда мазкур ҳолат юзасидан Жиноят кодексининг 97-моддаси(Қасддан одам ўлдириш) билан жиноят иши қўзғатилиб, гумонланувчи аёл процессуал тартибда ушланган. Дастлабки тергов ҳаракатлари давом этмоқда.
Шерзодхон Қудратхўжа Лола Каримовага Ислом Каримовнинг хатоларини эслатди ва балога қолди
"Биз нефтни қаердан сотиб олишимиз, бизга энг фойдали вариантдан келиб чиқиб ҳал қилинади"
Тошкентда блогерга суд ҳукми ўқилди
