Сербия президенти Қозондаги BRICS саммитида қатнашмайди.
"Александр Вучич Россия етакчиси Владимир Путинга 22—24 октябр кунлари Қозонда бўлиб ўтадиган BRICS саммитида қатнашмаслигини, у ерга делегация юборишини айтди", деб хабар бермоқда Сербия радио ва телевидениеси. Вучичнинг аниқлик киритишича, делегация таркибига бош вазир ўринбосари Александр Вулин, мудофаа вазири Братислав Гашич, иқтисодиёт вазири Адриана Месарович ва халқаро иқтисодий ҳамкорлик бўйича куратор Ненад Попович киради.
Сербия президенти шунингдек, 23 октябр куни Полша бош вазири Доналд Туск Белградга ташриф буюришини, унга Греция бош вазири Кириакос Мицотакис, кейинроқ эса Еврокомиссия раиси Урсула фон дер Ляйен қўшилишларини тушунтирди.
Шу ўринда, Сербия президенти 2024 йилнинг ўзида ЕИ Москвага қарши 44 та санкция пакетини қабул қилгани ва Белград уларнинг бирортасига қўшилмаганини эслатди. "Путин буни жуда қадрлайди", — деди Вучич.