28 июн куни Белград марказида ўн минглаб намойишчилар тўпланди. Воқеа жойидан олинган видеоларда кўплаб ҳукумат идоралари жойлашган шаҳар марказидаги Славия майдони деярли бутунлай одамлар билан тўлгани кўринади.
"Полиция йиғилганлар сонини 36 минг киши деб баҳолаган, мустақил кузатув ташкилотлари эса бу рақамни 140 минг нафар дея қайд этган", деб хабар бермоқда АFP.
Reuters'нинг маълум қилишича, ҳукумат биноларини ва унга туташ боғни махсус кийимдаги полициячилар қўриқлаган. Бу ҳудудда президент Александар Вучич тарафдорлари тўпланган эди.
"Маҳаллий вақт билан соат 22:00 атрофида намойишчиларнинг бир қисми Вучич тарафдорлари томон ҳаракатлана бошлади ва полициячиларга пиротехника воситаларини улоқтира бошлади. Бунга жавобан полиция куч ишлатди", деб ёзади Reuters.
Оммавий ахборот воситаларининг хабар беришича, полиция намойишчиларни тарқатиш учун кўзни ёшлантирувчи газдан фойдаланган. АFP агентлиги журналистлари полиция томонидан шовқинли-ёруғлик гранаталари ҳам қўлланилганини қайд этишган.
Элдор Шомуродов янги жамоасининг таклифини қабул қилди
Германия канцлери: Исроилнинг “ифлос иши” ҳақидаги фикримдан афсусланмайман
Саудияликлар Мессига даҳшатли шартнома таклиф қилишди
