Кенг кўламли коррупцияга қарши норозилик намойишларидан сўнг Вучевич истеъфога чиқди. Матбуот анжуманида у шундай деди: «Мен барчани тинчланишга ва мулоқотга қайтишга чақираман.» Истеъфосига сабаб сифатида Нови-Саддаги талаба ҳужумини келтирди, бу ҳужумни, тахминларга кўра, ҳукмрон Сербия Тараққиёт партияси билан алоқадор шахслар амалга оширган.
«Ҳар сафар жамият мулоқотга, музокараларга қайтиш учун умид пайдо бўлгандай туюлганда... гўё кўринмас бир куч янги можаро яратади ва яна кескинлик кучаяди», — деди Вучевич, вазиятни бирор фитна билан боғлашни назарда тутиб.
У оммавий норозиликлардан кейин истеъфога чиққан энг юқори лавозимли сиёсатчи бўлди. Ҳукуматга қарши намойишлар пойтахт Белград кўчаларида ноябрь ойидан буён ҳар куни бўлиб ўтмоқда. Уларни Нови-Саддаги вокзал биносининг пештоқи қулаб тушиши сабаб бўлди, бу ҳалокатда 15 киши ҳаётдан кўз юмган эди. Минглаб намойишчилар, жумладан талабалар, ўқитувчилар ва ишчилар бу фожиани популист президент Александар Вучеч ҳукумати коррупциясининг натижаси деб билмоқда. Шунингдек, президент демократик эркинликларни чеклашда ҳам айбланмоқда.
Вучевичнинг истеъфоси, эҳтимол, муддатдан олдинги парламент сайловларини ўтказишга олиб келади.
Озарбайжон самолётига ким ўқ узгани аниқланди
Сингапур “3-жаҳон уруши” ҳақида огоҳлантирди
Қодиров ғойиб бўлди
