Сенегал ҳукумати Африка Миллатлари Кубоги финалида чемпионлик Марокаш терма жамоасига олиб берилгани юзасидан кескин расмий баёнот билан чиқди.
Эслатиб ўтамиз, финалда 1:0 ҳисобида олдинда бораётган Сенегал терма жамоаси ўйин вақтида майдонни тарк этгани сабабли уларга техник мағлубият ёзилган эди.
Ҳукумат баёнотида ушбу қарор кескин қораланган:
"Сенегал ҳукумати Африка Футбол Конфедерацияси (КАФ) апелляция ҳакамлар ҳайъатининг Сенегал терма жамоасини чемпионлик унвонидан маҳрум қилиш ва уни Марокашга олиб бериш қароридан қаттиқ ғазабда.
Бу мисли кўрилмаган қарор спорт этикасининг фундаментал тамойилларини, биринчи галда адолат ва майдондаги натижага бўлган ҳурматни тўғридан-тўғри бузади. Қоидаларнинг нотўғри талқин қилиниши ўта адолатсиз ҳукмга олиб келди".
Шунингдек, Сенегал томони воқеани шунчаки қолдирмоқчи эмас:
"Сенегал КАФ раҳбарияти ичидаги коррупция гумонлари бўйича мустақил халқаро тергов бошлашни талаб қилади. Адолатни тиклаш ва спорт натижасини қайтариш учун барча халқаро суд инстанцияларига мурожаат қиламиз".
Баёнот сўнгида ҳукумат финалдаги можаролардан сўнг Марокашда ҳибсга олинган ўз фуқаролари билан бирдам эканлигини ва уларни тезроқ озод қилиш учун вазият тўлиқ назоратга олинганини маълум қилган.
Эроннинг ўрнига Жаҳон чемпионатига бориши мумкин бўлган терма жамоалар номи маълум бўлди
Гвардиола йирик мағлубиятдан кейин Ҳусановга ишонадими? "Сити"нинг бугунги ўйин учун тахминий таркиби
Пеп Гвардиола: "Реал"га қарши асосий таркибни танлаб бўлдим"
