Саудия Арабистони қироли Салмон бин Абдулазиз Ол Сауд пневмония туфайли тиббий кўрикдан ўтмоқда.
Бу ҳақда Саудиянинг SPA давлат агентлиги маълум қилди.
"Қирол пневмония туфайли баъзи тиббий кўриклардан ўтмоқда", дейилади қироллик идораси баёнотида.
Бу охирги олти ой ичида 88 ёшли қиролда иккинчи пневмония ҳолати.
Май ойида Саудия Арабистони валиаҳд шаҳзодаси Муҳаммад бин Салмон Ол Сауднинг Японияга ташрифи қиролнинг бетоблиги туфайли зудлик билан қолдирилгани маълум бўлган эди.
