Мурманск вилояти губернатори Андрей Чибис Қримда Россиянинг Ан-26 ҳарбий-транспорт самолёти ҳалокатга учраши оқибатида ҳалок бўлганлар орасида Шимолий флот ҳарбий хизматчилари бўлганини маълум қилди.
Бу ҳақда у ўзининг Telegram-каналида шундай ёзди: «Ҳалок бўлганлар орасида бизнинг шимолий денгизчи жангчиларимиз — ор-номус, бурч ва жасорат инсонлари бор».
Губернатор Шимолий флот ҳарбийлари қандай ҳолатда Қримга келиб қолгани ва у ерда қандай вазифаларни бажараётганига аниқлик киритмади. Россия Мудофаа вазирлиги ҳам йўловчилар таркиби ва парвоз мақсади ҳақида батафсил маълумот бермаган.
Россия Космик-ҳаво кучларига қарашли Ан-26 самолёти 31 март куни кечқурун Қримда ҳалокатга учради. Мудофаа вазирлиги маълумотларига кўра, бортда 29 киши — 23 нафар йўловчи ва 6 нафар экипаж аъзоси бўлган, уларнинг барчаси ҳалок бўлган. Идоранинг дастлабки талқинига кўра, фалокатга техник носозлик сабаб бўлган, самолётга ташқаридан «зарба бериш таъсири» кузатилмаган.
Трамп Саудия шаҳзодаси ҳақида кескин баёнот қилди
Туркия АҚШни огоҳлантирди!
Россия Украина борасида Жанубий Кореяни жиддий огоҳлантирди
