Murmansk viloyati gubernatori Andrey Chibis Qrimda Rossiyaning An-26 harbiy-transport samolyoti halokatga uchrashi oqibatida halok bo‘lganlar orasida Shimoliy flot harbiy xizmatchilari bo‘lganini ma’lum qildi.
Bu haqda u o‘zining Telegram-kanalida shunday yozdi: «Halok bo‘lganlar orasida bizning shimoliy dengizchi jangchilarimiz — or-nomus, burch va jasorat insonlari bor».
Gubernator Shimoliy flot harbiylari qanday holatda Qrimga kelib qolgani va u yerda qanday vazifalarni bajarayotganiga aniqlik kiritmadi. Rossiya Mudofaa vazirligi ham yo‘lovchilar tarkibi va parvoz maqsadi haqida batafsil ma’lumot bermagan.
Rossiya Kosmik-havo kuchlariga qarashli An-26 samolyoti 31 mart kuni kechqurun Qrimda halokatga uchradi. Mudofaa vazirligi ma’lumotlariga ko‘ra, bortda 29 kishi — 23 nafar yo‘lovchi va 6 nafar ekipaj a’zosi bo‘lgan, ularning barchasi halok bo‘lgan. Idoraning dastlabki talqiniga ko‘ra, falokatga texnik nosozlik sabab bo‘lgan, samolyotga tashqaridan «zarba berish ta’siri» kuzatilmagan.
Tramp Saudiya shahzodasi haqida keskin bayonot qildi
Turkiya AQShni ogohlantirdi!
Rossiya Ukraina borasida Janubiy Koreyani jiddiy ogohlantirdi
