Фарғона вилояти, Марғилон шаҳрида Бахти Ташкентский ва Салим Абдувалиевларнинг шериги Абдулло Эгамбердиев қўлга олинди. Бу ҳақда вилоят ИИБ хабар берди.
У ИИБ тезкор ходимлари томонидан қўлга олинган. Абдулло Эгамбердиев 2022-2023 йилларда "қонундаги ўғри" Бахтиёр Қудратуллаев ва Салим Абдувалиевлар билан яқин алоқа ўрнатган ва Марғилон шаҳрини норасмий "назорат қилиш"га уринган.
У аввал ҳам ЖКнинг 166-моддаси билан судланган. Ҳозирда Эгамбердиевга Жиноят кодексининг 168-моддаси билан иш очилиб, тергов ҳаракатлари олиб борилмоқда.
Абдувалиев суд ҳукми билан 6 йилга қамалди, Бахти Ташкентский устидан суд давом этмоқда.