Россиянинг Пасха муносабати билан сулҳ эълон қилиши Украина учун муаммоларни келтириб чиқариши мумкин

Россиянинг Пасха муносабати билан сулҳ эълон қилиши Украина учун муаммоларни келтириб чиқариши мумкин. Бу ҳақда CNN хабар берди.

Телеканал бу ҳолатни Россиянинг жанговар ҳаракатларни тўхтатишга тайёр эканлиги ҳақида Трампга берилган ишора деб атади.

"Бу, эҳтимол, АҚШ президентида Россияни қўллаб-қувватловчи қарашларнинг кучайишига олиб келиши мумкин. Шунингдек, Вашингтон “Пасха сулҳи”ни Москванинг “тинчликка хайрихоҳлик ишораси” сифатида кўриши ҳамда агар Украина сулҳнинг бузилишида айбланса, Киев учун жиддий қийинчиликлар туғдириши мумкин", дейилади CNN хабарида.

Қайд этилишича, бу ҳолат иккала томон ҳам қисқа муддатга зўравонликни тўхтатиши мумкинлигини кўрсатувчи ноёб ишора бўлши мумкин.

"Аммо катта эҳтимоллик билан, ҳар икки томон сулҳнинг бузилиши ва ноаниқликлардан фойдаланиб, рақибига ишониб бўлмаслигини намойиш этишга ҳаракат қилади", дея хулоса қилади CNN.