Россиянинг «Новые люди» партияси етакчиси Алексей Нечаев «Бир синфга — бир мигрант» ташаббуси билан чиқди.
Нечаевга кўра, синфда мигрант-болалар сонини бир нафаргача қисқартириш мамлакатда таълим сифатини оширармиш.
Айрим синфлар 20-30 фоиз мигрантлардан иборат, бу мослашиш жараёнини қийинлаштириб, ҳам россиялик, ҳам чет эллик болаларнинг таълим олиш самарадорлигини пасайтирмоқда, деди у.
Мигрант-болаларнинг синфларда тенг тақсимланиши синфдошлар ўртасидаги тил тўсиғини деярли йўқотиб, ўқитувчилар анча юкдан халос бўлади, дея қўшимча қилди «Янги одамлар» етакчиси.
Яккаланган боланинг тақдири нима бўлиши ҳақида сиёсатчи лом-мим демаган.
