Таниқли россиялик мураббий Юрий Сёмин 2026 йилги жаҳон чемпионатининг асосий фаворитлари сифатида Испания ва Аргентина терма жамоаларини кўрсатди. Бу ҳақда Sports.kz «Спорт-Экспресс»га таяниб хабар бермоқда.
«Фаворитлар, менимча, иккита — Испания ва Аргентина. Аргентиналикларга ҳам мухлислик қиламан, уларнинг жамоаси менга ёқади, яна Месси туфайли ҳам. Бизнинг лигада ҳам аргентиналик футболчилар кўп», — деди Сёмин.
Гуруҳ босқичида Испания Саудия Арабистони, Уругвай ва Кабо-Вердега қарши майдонга тушади. Аргентина эса Жазоир, Австрия ва Иордания билан куч синашади.
2026 йилги жаҳон чемпионати 11 июндан 19 июлгача АҚШ, Мексика ва Канадада бўлиб ўтади. Амалдаги жаҳон чемпиони — Аргентина. Испания эса 2010 йилда мундиал ғолиби бўлган.
Гари Невилл - Абдуқодир Ҳусанов ҳақида: «Ҳеч қачон бунақасини кўрмаганман»
“Барса” машҳур футболчисидан воз кечадиган бўлди
Расман: Ўзбекистон терма жамоасига испаниялик мураббий тайинланди
