Бугун 3 июль, 2025 йил, пайшанба

O'ZB

Россияга қўшни беш давлат пиёдаларга қарши миналар бўйича Оттава конвенциясидан чиқади

Россияга қўшни беш давлат пиёдаларга қарши миналар бўйича Оттава конвенциясидан чиқади

Польша, Литва, Латвия, Эстония ва Финляндия пиёдаларга қарши миналардан фойдаланиш, сақлаш, ишлаб чиқариш ва ўтказишни тақиқловчи ҳамда миналардан тозалаш бўйича ўқув машғулотлари учун зарур бўлган миналар бундан мустасно, миналар ва мина майдонлари захираларини йўқ қилишни талаб қилувчи Оттава конвенциясидан чиқиш ниятида.

Эстония, Латвия ва Литва аллақачон БМТга расмий билдиришнома топширган, Финляндия ва Польша эса яқин кунларда тегишли ҳужжатларни тақдим этиши кутилмоқда.

Human Rights Watch ташкилоти бу қадамни асоссиз деб атади ва қурол беғараз зиён етказади, мина далалари эса тинч аҳоли учун хавф туғдиради.

Бу қарор Россия ва Украинанинг пиёдаларга қарши миналардан фойдаланишни кучайтириши фонида қабул қилинмоқда. Россия Федерацияси конвенцияга қўшилмаган ва 2022 йилдан бери Украинада миналардан кенг фойдаланмоқда.

Киев ҳам 2022 йилдан бери миналардан фойдаланаётганини тан олди. Шу билан бирга, маълум бўлишича, 2024 йилда АҚШ миналарни Украинага ўтказган.

Украина етакчиси Владимир Зеленский ҳам мамлакатнинг шартномадан чиқиши тўғрисидаги фармонни имзолади, бироқ вақтинча амалда бўлган ҳарбий ҳолат конвенциядан чиқишни юридик жиҳатдан имконсиз қилади.

БМТ Бош котиби Антониу Гутерриш бу қадамни тинч аҳоли ҳимоясига путур етказувчи таҳдид сифатида баҳолади. Нобел мукофоти лауреатлари ва кўплаб халқаро ташкилотлар конвенцияни кучда сақлаш муҳимлигини таъкидладилар.

Эслатиб ўтамиз, миналарни тақиқлаш тўғрисидаги ҳужжат 1997 йилда Канада пойтахти Оттавада қабул қилинган ва 1999 йилда кучга кирган. Конвенсия пиёдаларга қарши миналардан фойдаланиш, ишлаб чиқариш, сақлаш ва ўтказишни қатъиян тақиқлайди. Айни пайтда унга 166 давлат қўшилган. Ҳужжатга қўшилмаган йирик давлатлар орасида Россия, АҚШ ва Хитой бор.

Киритилди: 09:30 02.07.2025. Ўқилди: 635 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!