Россиядаги «ватанпарварлик акциялари» 91 млрд рублга тушди

Россиянинг Украинага қарши кенг кўламли уруши бошланганидан бери Россия Федерациясида турли ватанпарварлик тадбирлари ва шоуларига камида 91 миллиард рубл сарфланган. Бу «Новая газета»нинг 4 ноябр, душанба куни чоп этилган ҳисоб-китобларидан келиб чиқади.

Журналистларнинг маълум қилишича, сўнгги икки йил ичида Россияда болалар ва ёшларни ҳарбий-ватанпарварлик руҳида тарбиялаш ташкилотлари талабаларни овқатлантириш, уй-рўзғор эҳтиёжлари, байроқлар ва бошқа жиҳозларни сотиб олиш учун камида 700 миллион рубл сарфлаган. Уларга кўра, харидларнинг салмоқли қисми «Юнармия» ижтимоий ҳаракати билан боғлиқ.