Россия Давлат думаси охирги учинчи ўқишда мамлакатда рақамли рублни жорий этиш тўғрисидаги қонунни қабул қилди, деб хабар берди «Ведомости».
Ҳужжатга кўра, рақамли рубль платформаси ишлаб чиқилади, унинг оператори Россия банки бўлади. Ушбу ташкилотга янги рақамли валюта хавфсизлигини таъминлаш функциялари ҳам юкланади.
Рақамли рублда сиз кредит ололмайсиз ёки омонат очолмайсиз. Улардаги пул ўтказмалари ва тўловлар фуқаролар учун бепул бўлади, лекин тадбиркорлар учун эмас: тадбиркорлардан сумманинг 0,3 фоизи миқдорида комиссия ундирилади.
