Россияда Путиннинг рейтинги пасаймоқда

Бутунроссия жамоатчилик фикрини ўрганиш маркази (ВЦИОМ) сайтида хабар қилинишича, 6 апрелдан 12 апрелгача бўлган даврда Россия президенти фаолиятини маъқуллаш рейтинги 66,7 фоизни ташкил этиб, ўтган ҳафтага нисбатан 1,1 фоизга пасайган.

Шунингдек, Владимир Путинга ишонч рейтинги ҳам 1,8 фоизга камайиб, 72 фоизни ташкил этган.

Ҳукмрон “Ягона Россия” (“Единая Россия”) партиясини қўллаб-қувватлаш даражаси ҳам пасайишда давом этмоқда — 27,3 фоизгача (бир ҳафта ичида 2,4 фоизга).

ВЦИОМ қаторасига олтинчи ҳафта Путиннинг фаолиятини маъқуллаш рейтинги пасайишини қайд этмоқда.