Россия федерал бюджети тақчиллиги 2026 йилнинг биринчи ярми якунларига кўра 5,7 триллион рублни ёки ялпи ички маҳсулотнинг 2,5 фоизини ташкил этди. Бу ҳақда мамлакат Молия вазирлигининг дастлабки ҳисоб-китобларида маълум қилинди.
Ўтган йилнинг шу даврида бюджет тақчиллиги 3,4 триллион рубл бўлган.
Молия вазирлиги юқори тақчиллик асосан йил бошида давлат харажатларининг олдиндан молиялаштирилгани, шунингдек, айрим шартномалар бўйича тўловлар муддатидан олдин амалга оширилгани билан изоҳланишини билдирди.
Январь–июнь ойларида федерал бюджет даромадлари 18,6 триллион рублни ташкил этиб, ўтган йилнинг мос даврига нисбатан 5,8 фоизга ошган.
Шу билан бирга, нефть ва газдан тушган даромадлар 3,7 триллион рублни ташкил қилди. Бу кўрсаткич ўтган йилнинг биринчи ярмидаги 4,7 триллион рублга нисбатан сезиларли камайган.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Россияда мигрантларни депортация қилиш учун асослар кенгайтирилди
