Rossiya federal byudjeti taqchilligi 2026 yilning birinchi yarmi yakunlariga ko‘ra 5,7 trillion rublni yoki yalpi ichki mahsulotning 2,5 foizini tashkil etdi. Bu haqda mamlakat Moliya vazirligining dastlabki hisob-kitoblarida ma’lum qilindi.
O‘tgan yilning shu davrida byudjet taqchilligi 3,4 trillion rubl bo‘lgan.
Moliya vazirligi yuqori taqchillik asosan yil boshida davlat xarajatlarining oldindan moliyalashtirilgani, shuningdek, ayrim shartnomalar bo‘yicha to‘lovlar muddatidan oldin amalga oshirilgani bilan izohlanishini bildirdi.
Yanvar–iyun oylarida federal byudjet daromadlari 18,6 trillion rublni tashkil etib, o‘tgan yilning mos davriga nisbatan 5,8 foizga oshgan.
Shu bilan birga, neft va gazdan tushgan daromadlar 3,7 trillion rublni tashkil qildi. Bu ko‘rsatkich o‘tgan yilning birinchi yarmidagi 4,7 trillion rublga nisbatan sezilarli kamaygan.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Rossiyada migrantlarni deportasiya qilish uchun asoslar kengaytirildi
