София исми 2023 йил Россияда туғилган қизалоқлар орасида энг машҳур исм бўлди. Бу ҳақда «Kun.uz» хабар берди.
Маълумотларга кўра, ўтган йилда Россияда 1 921 831 чақалоқ дунёга келган. Қизалоқларга энг кўп қўйилган исм София — 24 065. Топ учликдан Ева (19 142) ва Анна (18 398) исмлари ўрин олган. Кучли бешликка Мария (16 800) ва Виктория (15 971) исмлари ҳам кирган.
Ўғил болаларга энг кўп қўйилган исм эса Михаил — 23 645. Топ бешликдан Артём (22 790), Александр (22 682), Матвей (18 837) ва Максим (17 399) ўрин олган.
«ФХДЁ реестри» порталига кўра, 2023 йилда Россияда 15 995 эгизаклар дунёга келган. Оналарнинг ўртача ёши 29,7, оталарники эса 29,3 ёшни ташкил қилган. Дунёга келган 1 921 831 чақалоқларнинг 52 фоизини ўғил болалар, 48 фоизини эса қизалоқлар ташкил қилган.
