Россия ва АҚШ делегациялари ўртасида иккинчи учрашувга тайёргарлик кўрилмоқда – Сергей Лавров

"Истанбулда биринчи учрашув бўлиб ўтганди. Ҳозир иккинчисига тайёрланяпмиз. Шу билан бирга, телефон ва видеоконференция орқали алоқалар давом этмоқда. Биз маълум бир ижобий ўзгаришларни кўряпмиз", — дея аниқлик киритди Россия ТИВ раҳбари.

Лавровнинг сўзларига кўра, Москва ва Вашингтон ҳар икки давлат президентлари маъқуллаган ҳолда элчихоналар ишига жиддий тўсиқ бўлаётган "йирик муаммоларни бартараф этиш" масаласида иш олиб бормоқда.

Шунингдек, Лавровнинг айтишича, АҚШ Россиянинг “Қора денгиз келишуви” бўйича шартларини ўрганмоқда ва яқин вақт ичида ўз муносабатини билдириши кутилмоқда.

Эслатиб ўтамиз, Қора денгизда ўт очишни тўхтатиш учун Россия ҳукумати қишлоқ хўжалиги маҳсулотлари ва ўғитлари экспортига қўйилган санкцияларни бекор қилишни талаб қилмоқда.