Россия Украинада кунига тахминан 1270 кишини йўқотмоқда

Сентябр ойида Россия армияси ҳар куни ўртача 1271 киши ҳалок бўлди ва яраланди – бундай маълумотларни альянснинг юқори мартабали расмийси Брюсселдаги брифингда айтди. Бу Россиянинг Украинага кенг кўламли бостириб кириши бошланганидан бери энг юқори кўрсаткич: май ойида НАТО бу борада 1000 қурбон ва ярадорлар сонини келтирган эди. DW манбаси Россия йўқотишларининг кўпайишини Украина Қуролли Кучларининг Курск вилоятига кириб бориши ва бутун фронт бўйлаб жангларнинг кучайиши билан боғлади.

Шу билан бирга, Россия ҳали ҳам ойига 30 минг кишини ёллашда давом этмоқда, шунинг учун Россия Қуролли Кучлари ҳали ҳам юқори йўқотишларнинг ўрнини тўлдиришга муваффақ бўлмоқда, дея аниқлик киритди расмий. Унинг сўзларига кўра, Россия армиясига аскарларнинг ёмон тайёргарлиги, офицерлар етишмаслиги, Украина Қуролли кучларининг ўжар қаршилик кўрсатиши ва Украинага Ғарб қуроллари етказиб берилиши тўсқинлик қилмоқда ва янги сафарбарлик эълон қилинмасдан туриб, Россия ҳеч қандай имкониятга эга эмас.

Бироқ, Россия Федерацияси ҳали ҳам одамлар, ўқ-дорилар ва жиҳозлар сони бўйича устунликка эга. НАТО ҳисоб-китобларига кўра, Россия Федерацияси ойига 250 мингга яқин, яъни йилига 3 миллионга яқин снаряд ишлаб чиқаради. Бу, асосан, Россия томонидан қўлланиладиган оддий технологиялар билан боғлиқ бўлиб, у «миқдорнинг сифатдан кўра эски Совет устуворлигига қайтган» ва шунингдек, уруш иқтисодиётига ўтган. Бундан ташқари, Эрон уни 300 мингга яқин eтказиб берди.