Россия Исроилга тунги рейсларни тақиқлашни узайтирди

Россия Исроилга тунги рейсларни тақиқлашни 11 февралгача узайтирди.

Бу ҳақда "Росавиация" пресс-релизида айтилади.

"Росавиация" Яқин Шарқдаги вазиятни таҳлил қилиб, яна бир ойга, 2025 йил 11 февралгача узайтирди, аввалроқ Россия ҳаво транспорти операторлари учун Россия аэропортларидан Исроил аэропортларига парвозлар бўйича тавсиялар берилган – бундай рейслар Москва вақти билан соат 01:00 дан 07:00 гача тақиқланган", — дейилади хабарда.

Исроилга парвозларни бошқа соатларда, яъни Москва вақти билан 07:00 дан 01:00 гача амалга оширишга қарор қилганда, Россия компаниялари, жумладан, белгиланган тавсияларни ҳисобга олишлари керак. ICAO йўриқномасида фуқаролик самолётларининг можаро зоналари устидан ва яқин атрофдаги парвозлари учун хавф омилларини баҳолаш бўйича кўрсатмалар мавжуд, дея аниқлик киритди Росавиация.

Авиакомпаниялар учун тегишли тавсиялар 11 ноябрь куни киритилган ва шундан сўнг икки марта узайтирилган.