Россия Исроил ва Эронга воситачилик қилишга тайёр

Россия Исроил ва Эрон ўртасидаги воситачилик ҳаракатларига тайёр.

Бу ҳақда Россиянинг БМТдаги доимий вакили Василий Небензя Нью-Йоркда журналистлар олдида қилган чиқишида маълум қилган.

Дипломат Россия томони вазиятни барқарорлаштириш учун барча имкониятларни ишга солишга тайёрлигини таъкидлади:

"Яқинда Россия президенти Владимир Путин ва Америка етакчиси Дональд Трамп ўртасида суҳбат бўлиб ўтди. Путин Трампга бу масалада қўлимиздан келган барча ишни қилишга тайёрмиз, деди. У тўғридан-тўғри Россиянинг Исроил ва Эрон ўртасидаги тарангликни пасайтириш учун воситачилик ҳаракатларига тайёрлигини билдирди".

Небензянинг қўшимча қилишича, Россия ҳозирда минтақада муайян воситачилик миссиясини амалга оширмаётган бўлса-да, дипломатик мувофиқлаштириш давом этмоқда: "Ҳозирда бизда Исроил-Эрон қарама-қаршилиги бўйича воситачилик йўқ. Бундай масалаларда томонларнинг розилиги зарур".