Россия Ғазо секторига навбатдаги гуманитар ёрдам партиясини жўнатди, деб ёзади «РИА Новости» Россия Фавқулодда вазиятлар вазирлигига таяниб.
Россия Фавқулодда вазиятлар вазирлигининг Ил-76 самолёти 6 декабрь куни эрталаб Мисрнинг Эл-Ариш шаҳрига жўнаб кетди, у ердан юк Ғазо секторига етказилади.
Россия Фавқулодда вазиятлар вазирлиги бу сафар 27,5 тонна инсонпарварлик ёрдами, жумладан, болалар овқатлари, озиқ-овқат, шахсий гигиена воситалари, матраслар, кўрпа-тўшаклар ва бошқалар жўнатди.