Техснабэкспорт (Росатом давлат корпорациясининг бир қисми) АҚШдан келган мижозларни агар Вашингтон 2028 йилдан бошлаб уран импортига эмбарго жорий қилса, Россия ҳукумати АҚШга уран экспортини олдиндан тақиқлаши мумкинлиги ҳақида огоҳлантирди.
Бу ҳақда Bloomberg манбаларга таяниб хабар бермоқда.
Агентлик маълумотларига кўра, гап ҳозирда Конгрессда кўриб чиқилаётган қонун лойиҳаси ҳақида кетмоқда, унда Россия уранини фақат 2028 йилгача олиб киришга рухсат берилади.
Аввалроқ АҚШ Конгресси Вакиллар палатаси томонидан маъқулланган бу ташаббус 14 декабр куни сенаторлар томонидан блокланган эди.
Қайд этилишича, Москва бу борада ҳали якуний қарорга келмаган.
