Вьетнам чемпионатида “Вьеттел” жамоаси футболчиси Тран Хонг Кьен рақиблар дарвозасини ишғол этиб, жароҳат олди.
Indian Express нашри хабарига кўра, футболчи голни португалиялик ҳужумчи Криштиану Роналду услубида нишонламоқчи бўлган, бироқ сакрашдан кейин майдонга ноқулай йиқилган. Натижада футболчининг чап тиззасидаги боғлами йиртилгани аниқланган.
Эслатиб ўтамиз, Роналду жорий мавсумда "Ан-Наср" клуби сафида Саудия Арабистони чемпионатида ўйнамоқда.
