Роберт Левандовски АҚШга кўчиб ўтиши кутилмоқда

«Барселона» ҳужумчиси Роберт Левандовски 2026 йилда жамоасини ўзгартириши мумкин, деб хабар берди Euro-football.ru сайти.

37 ёшли футболчини ўз сафига қўшиб олишга «Чикаго Файр» ҳаракат қилмоқда. Журналист Низаар Кинселланинг маълумотларига кўра, МЛС клуби польшалик футболчи билан «ижобий» музокаралар ўтказган. Роберт трансфер учун музокараларга очиқ эканини таъкидлаган.

Қайд этилишича, «Чикаго Файр» Левандовскининг маош бўйича талабларини муаммосиз қондириши мумкин. Аввалроқ ҳужумчига Саудия Арабистони чемпионати вакиллари ҳам қизиқиш билдиргани айтилган эди.

Жорий мавсумда Роберт Левандовски «Барселона» сафида 17 та ўйинда майдонга тушиб, 8 та гол урди ва 2 та голли узатмани амалга оширди. Футболчининг каталониялик гранд билан шартномаси мавсум якунидан сўнг ўз кучини йўқотади.