Мексикалик профессионал боксчи Артуро Торрес 26 ёшида вафот этди. Спортчи сўнгги жангида оғир жароҳат олганидан кейин бир неча кун давомида шифохонада даволанган.
Торрес 19 сентябрь куни Мехико шаҳрида ҳамюрти Хилберто Гарсияга қарши рингга чиққан эди. Беллашув 7-раундда якунланиб, Гарсия нокаут эвазига ғалаба қозонган.
Жанг тугаганидан кейин Торрес маълум вақт рингда қолган, аммо кўп ўтмай ҳушини йўқотган. Шифокорлар унга жойида биринчи ёрдам кўрсатиб, зудлик билан касалхонага олиб кетган.
Текширувлар натижасида боксчининг бош миясига қон қуйилгани аниқланган. Унинг ҳаётини сақлаб қолиш мақсадида жарроҳлик амалиёти ҳам ўтказилган, бироқ спортчи комадан чиқа олмаган.
Артуро Торрес 25 сентябрь куни вафот этди.
Мексикалик боксчи профессионал рингдаги фаолиятини 2018 йил ноябрида бошлаган. У фаолияти давомида 15 та ғалаба, 6 та мағлубият ва 3 та дуранг қайд этган.
Эрон устидан ғалаба Ўзбекистонни ФИФА рейтингида юқорига кўтарди
Ўзбекистон терма жамоаси аъзоси легионерга айланиши мумкин
"Олтин тўп" учун овоз бериш якунланди
