Италия пойтахти Римда шаҳар марказида ҳаракатланиш учун соатига 30 километр тезлик чеклови кучга кирди. Бу ҳақда 14 январь куни шаҳар ҳокимияти расман маълум қилди.
Қарорга кўра, йўл ҳаракати хавфсизлигини ошириш мақсадида чекланган транспорт зоналари (ZTL) ҳамда 1000 та кўчада янги тезлик меъёри қўлланилади. Шу муносабат билан Рим шаҳар полицияси мазкур ҳудудларда патруллик ва назоратни кучайтирди.
Шаҳар кенгашининг транспорт масалалари бўйича аъзоси Эуженио Патаненинг таъкидлашича, чора-тадбирлар йўл-транспорт ҳодисалари ва улар оқибатларини камайтиришга қаратилган. Унинг сўзларига кўра, Кристофоро Коломбо магистралида янги тезликни ўлчаш камералари ўрнатилади, шунингдек, шаҳар бўйлаб 175 та хавфсиз пиёдалар ўтиш жойи барпо этилади.
Аввалроқ Болонья шаҳри ҳам шу каби тезлик чекловларини жорий этган эди.
Пропан нархининг кўтарилиши бўйича баёнот эълон қилинди
Афғонистон тезкор тарзда ўз армиясини кучайтиришга қарор қилди
АҚШ Мадурога қарши операция давомида номаълум махфий қуролдан фойдаланган
