Italiya poytaxti Rimda shahar markazida harakatlanish uchun soatiga 30 kilometr tezlik cheklovi kuchga kirdi. Bu haqda 14 yanvar kuni shahar hokimiyati rasman ma’lum qildi.
Qarorga ko‘ra, yo‘l harakati xavfsizligini oshirish maqsadida cheklangan transport zonalari (ZTL) hamda 1000 ta ko‘chada yangi tezlik me’yori qo‘llaniladi. Shu munosabat bilan Rim shahar polisiyasi mazkur hududlarda patrullik va nazoratni kuchaytirdi.
Shahar kengashining transport masalalari bo‘yicha a’zosi Eujenio Patanening ta’kidlashicha, chora-tadbirlar yo‘l-transport hodisalari va ular oqibatlarini kamaytirishga qaratilgan. Uning so‘zlariga ko‘ra, Kristoforo Kolombo magistralida yangi tezlikni o‘lchash kameralari o‘rnatiladi, shuningdek, shahar bo‘ylab 175 ta xavfsiz piyodalar o‘tish joyi barpo etiladi.
Avvalroq Bolonya shahri ham shu kabi tezlik cheklovlarini joriy etgan edi.
Propan narxining ko‘tarilishi bo‘yicha bayonot e’lon qilindi
Afg‘oniston tezkor tarzda o‘z armiyasini kuchaytirishga qaror qildi
AQSh Maduroga qarshi operasiya davomida noma’lum maxfiy quroldan foydalangan
