Агентлик манбасига кўра, Украинага бундай тизимларни етказиб бериши мумкин бўлган давлатлар сафида АҚШ ва Греция мавжуд. Ғарб мамлакатлари июн ойида бўлиб ўтадиган NATO саммитига қадар тегишли келишувга эришишни режалаштираётгани айтилмоқда.
Reuters айнан нечта тизим етказилиши мумкинлигига аниқлик киритмади.
Аввалроқ Тhe New York Times нашри ҳам Украинага иккита Patriot тизими етказилиши мумкинлиги ҳақида хабар берган эди. Газета манбалари Киевга Исроилда жойлашган тизимлардан бири етказилиши мумкинлигини, яна бир тизим эса Германия ёки Грециядан жўнатилиши мумкинлигини билдирган.
"Ҳозирда Украинада саккизта Patriot ҳаво ҳужумидан мудофаа тизими бор, аммо уларнинг иккитаси таъмирлаш жараёнида", дея маълум қилди NYT.
"Украина Ғарбдаги иттифоқчиларидан янги ҳаво мудофаа тизимларини сўрамоқда, чунки бу тизимлар аҳоли пунктларини Россия ракета ҳужумларидан ҳимоя қилишда ниҳоятда муҳим ҳисобланади. Айниқса, Patriot тизимлари қанотли ва баллистик ракеталарни уриб тушира олиши билан аҳамиятлидир", дейилади Reuters мақоласида.
