Республика бўйича яна чанг-тўзонли об-ҳаво кузатилиши мумкин

Ўзгидромет ахборот хизмати республика бўйича 2025 йил 19–23 май кунларига об-ҳаво прогнозини маълум қилди.

Унга кўра, Тошкентда 22–23 май кунлари шамол тезлиги 12–15 м/с гача кучайиши, баъзи жойларда чанг-тўзонлар билан кузатилиши мумкин.

Хабарда эртадан ҳаво ҳарорати кўтарила бошлаши ва ҳафта ўрталарида кундуз кунлари ҳаво 35–38 даражагача, жанубда ва чўл ҳудудларда 40–42 даражагача исиши айтилмоқда.

Шунингдек, республика бўйича баъзи жойларда шамол тезлиги 13–18 м/с гача кучайиши, чанг-тўзонлар билан кузатилиши кутилмоқда. 22–23 майда айрим жойларда баъзида шамол 20–22 м/с гача кучайиши мумкин.