«Реал» ўз позициясидаги энг яхши футболчини йўқотди»

Мадриднинг «Реал» клуби собиқ мураббийи Давиде Анчелотти жамоанинг собиқ ярим ҳимоячиси Тони Кроос ҳақида фикр билдирди.

«Сен ҳеч қачон қайтара олмайдиган нарсангни йўқотасан. «Реал» нимани йўқотди? Ўз позициясида дунёнинг энг яхши футболчисини. «Менга янги Кроос керак», деб айтиш мумкин эмас, чунки бундай футболчи бошқа йўқ», — деди Анчелотти Diario AS нашрига берган интервьюсида.

Тони Кроос 2014 йилдан 2024 йилга қадар «Реал» сафида тўп сурган. Ярим ҳимоячи 34 ёшида футболчилик фаолиятини якунлаган.

Германиялик футболчи «қаймоқранглилар» сафида тўрт марта Испания чемпиони бўлган, беш марта Чемпионлар лигасида ғолиб чиққан, шунингдек, Испания кубоги, тўртта Испания Суперкубоги, бешта Клублар ўртасидаги жаҳон чемпионати ва учта УЕФА Суперкубогини қўлга киритган.