«Реал» президенти жамоага янги мураббий танлади

«Милан» бош мураббийи Массимилиано Аллегри «Реал»ни бошқариши мумкин.

Журналист Рамон Альварес де Моннинг маълумотларига кўра, Мадрид клуби президенти Флорентино Перес италиялик мутахассисни таклиф қилишдан шахсан манфаатдор. Унга Аллегрининг ўз жамоаларини бошқариш услуби жуда манзур келади. Перес Аллегрини футболчилар ўртасида катта обрўга ва кийиниш хонасида кучли таъсирга эга бўлган жуда яхши мураббий деб ҳисоблайди.

Эслатиб ўтамиз, Массимилиано Аллегри 2025 йилнинг ёзида «Милан» бошқарувини қўлга олган эди. Айни дамда «россонерилар» унинг қўл остида Италия чемпионати турнир жадвалида 33 турдан сўнг 66 очко жамғариб, учинчи ўринда боришмоқда.