Чеченистон раҳбари Рамзан Қодировнинг ўғли, 16 ёшли Адам Қодиров Россия Мудофаа вазирлигининг Шайх Мансур баталёнига куратор бўлди. Бу ҳақда Давлат думаси депутати Адам Делимхонов маълум қилди.
"Бугун мен Россия Федерацияси Мудофаа вазирлигининг Шайх Мансур баталони шахсий таркибига уларнинг янги куратори — Чеченистон Республикаси Қаҳрамони, Чеченистон Республикаси раҳбарининг хавфсизлик хизмати раҳбари Адам Рамзанович Қодировни таништирдим. Бу тайинлов Адамнинг халқимизни диний, оилавий ва маданий қадриятларини асраб-авайлашга қўшган улкан хизматларининг натижаси бўлди”, деб ёзди депутат ўзининг Телеграм- каналида.
Шунингдек, Делимхонов Адам Қодиров Шайх Мансур баталёнининг иккинчи юлдузи билан тақдирланганини таъкидлади. Биринчи юлдузни аввалроқ республика раҳбари Рамзан Қодиров қабул қилган эди.
Кавказнинг биринчи имоми Шайх Мансур номидаги баталён тузилгани октябр ойининг иккинчи ярмида маълум бўлган эди.
Майк Тайсон дуч келишни истамайдиган ягона жангчини айтди: «Унга нисбатан ҳеч кимда имконият йўқ»
Лавров қанча давлат Россияни йўқ қилмоқчи эканлигини айтди
Украинада миллионлаб одамларнинг мамлакатни оммавий равишда тарк этиши бошланади
