Нашр бу ҳақда демократларнинг кеча бўлиб ўтган ёпиқ йиғилиши якунларига кўра хабар бермоқда.
"Фракциянинг учдан бир қисми амалдаги президентнинг кетишини хоҳлайди, учдан бири унинг қолишини истайди, қолган қисми эса Байденнинг президентликка номзод эканлигини тан олди, лекин у сайловда ютқазади деб ҳисоблайди", — дея маълум қилди нашр манбаси.
Манбаларнинг сўзларига кўра, йиғилишда "ғамгин муҳит" ҳукм сурган. Айрим демократлар партияга янги номзод кераклигини таъкидлаб, президентни пойгадан воз кечишга чақирган. Бошқалари эса Байденни қўллаб-қувватлаб, унинг ютуқларини эслатиб ўтган.
Қайд этилишича, Вакиллар палатасининг атиги етти нафар аъзоси Байденнинг президентлик сайлови пойгасидан чиқиши зарурлиги ҳақида очиқ гапиришган.
Июн ойи охирида Жо Байден ва Доналд Трамп ўртасида дебат бўлиб ўтди. Таҳлилчилар ва оммавий ахборот воситаларига кўра, бу дебат амалдаги президент учун муваффақиятсиз бўлган. Шундан сўнг Демократик партиядаги Байденнинг баъзи иттифоқчилари унга президентлик пойгасидан воз кечишни таклиф қилишди. Президентнинг ўзи ва унинг атрофидагилар эса у қайта сайланиш учун курашни давом эттириш ниятида эканлигини бир неча бор таъкидлаган.