Меҳнат мигрантларига 12 ойгача бўлган муддатга рухсатнома бериш механизми соддалаштирилади, рухсатнома бериш ва узайтиришни рад этиш учун асослар белгиланади.
Қозоғистонда меҳнат мигрантларига рухсатнома бериш механизми соддалаштирилади. Тегишли ҳужжат қонунлар муҳокамаси учун мўлжалланган порталда эълон қилинди, деб хабар берди Tengrinews.
Қозоғистон Меҳнат ва аҳолини ижтимоий муҳофаза қилиш вазирлиги меҳнат мигрантлари учун рухсатномаларни бериш, узайтириш ва бекор қилиш қоидаларига ўзгартиришлар ишлаб чиққан. Буйруқ лойиҳасининг жамоатчилик муҳокамаси 3 июлга қадар давом этади.
«Ҳужжатда давлат хизматларини электрон ҳукумат портали, шунингдек, migration.enbek.kz платформаси орқали кўрсатиш кўзда тутилган, шунингдек, меҳнат мигранти иш берувчи ўзгарганда хабар бериш механизмини жорий этиш таклиф қилинган», дейилади Меҳнат вазирлиги хабарида.
Шунингдек, лойиҳада уй хўжалигида ишлаш учун рухсатнома олиши мумкин бўлган фуқаролар, Солиқ кодексига мувофиқ жисмоний шахслардан олинадиган даромад солиғини тўлаш суммалари кўрсатилган.
Қайд қилинишича, меҳнат мигрантларига 12 ойгача бўлган муддатга рухсатнома бериш механизми соддалаштирилади, рухсатнома бериш ва узайтиришни рад этиш учун асослар белгиланади.
Мактабларда кузги таътил вақти эълон қилинди
Эрон ўраб олинмоқда
Антарктида яшил рангга айлана бошлади
