Қорақалпоғистоннинг Шуманай туманида 28 октябрь куни соат 21:30 атрофида одамлар ўлими билан боғлиқ йўл-транспорт ҳодисаси юз берди. Бу ҳақда Ўзбекистон Фавқулодда вазиятлар вазирлиги хабар бермоқда.
Хабар беришларича, А-380 «Ғузор—Бухоро—Нукус—Бейнеу» автойўлининг 817-километрида ҳаракатланиб кетаётган Cobalt русумли автомобиль бошқарувни йўқотиб, ўнг тарафга ағдарилиб кетган.
Ҳодиса оқибатида уч киши ҳалок бўлган ва бир киши тан жароҳати олган. Жароҳатланган фуқаро Шуманий туман марказий касалхонасига ётқизилган.
«Содир бўлган ЙТҲ юзасидан дастлабки терговолди текширув ишлари олиб борилмоқда», — дейилади ФВВ ахборотида.
19 май куни ёмғир ёғиши мумкин бўлган ҳудудлар эълон қилинди
Алишер Қодиров Россия Давлат думаси спикерига жавоб қайтарди
Самарқандда уйи қулаган фуқаро қўшнисидан 300 минг доллар талаб қилди
